ರವೆ ಉಂಡೆ
ಬೇಕಾಗುವ ಸಾಮಗ್ರಿಗಳು:
ಚಿರೋಟಿ ರವೆ 1ಕಪ್
ಸಕ್ಕರೆ ಪುಡಿ 3/4 ಕಪ್
ಏಲಕ್ಕಿ ಪುಡಿ ಸ್ವಲ್ಪ
ಹಾಲ 1/4ಕಪ್
ದ್ರಾಕ್ಷಿ 2ಚಮಚ
ಗೋಡಂಬಿ ಚೂರು 2ಚಮಚ
ತುಪ್ಪ 1/4 ಕಪ್
ಕೊಬ್ಬರಿ ತುರಿ 2ಚಮಚ
ಮಾಡುವ ವಿಧಾನ:
ಒಂದು ಬಾಣಲೆಗೆ ತುಪ್ಪ ಹಾಕಿ ಬಿಸಿಯಾದ ಮೇಲೆ ಗೋಡಂಬಿ ಹಾಕಿ ಕೆಂಪಗೆ ಹುರಿಯಿರಿ. ನಂತರ ದ್ರಾಕ್ಷಿ, ರವೆ ಹಾಕಿ ಕಡಿಮೆ ಉರಿಯಲ್ಲಿ ಘಮ್ಮೆನುವ ಹಾಗೆ ಹುರಿದುಕೊಳ್ಳಿ. ಈಗ ಹುರಿದ ರವೆಗೆ ಸಕ್ಕರೆ ಪುಡಿ, ಏಲಕ್ಕಿ ಪುಡಿ, ಕೊಬ್ಬರಿ ತುರಿ ಸೇರಿಸಿ ಮಿಕ್ಸ್ ಮಾಡಿ. ಸ್ವಲ್ಪ ಹಾಲು ಸೇರಿಸಿ ಮಿಕ್ಸ್ ಮಾಡಿ 10 ನಿಮಿಷ ಮುಚ್ಚಿ ಇಡಿ. ಈಗ ರವೆ ಯನ್ನು ಚೆನ್ನಾಗಿ ಕಲಸಿ ಸಣ್ಣ ಸಣ್ಣ ಉಂಡೆ ಮಾಡಿದರೆ ರವೆ ಉಂಡೆ ತಿನ್ನಲು ರೆಡಿ.
ಉಂಡೆ ಕಟ್ಟಲು ಬರಲಿಲ್ಲ ಅಂದರೆ ಇನ್ನು ಸ್ವಲ್ಪ ಹಾಲು ಸೇರಿಸಿ ಕಟ್ಟಿಕೊಳ್ಳಿ.
